Agtultuloy iti gyera idiay Southern Lebanon nga uray inawaten ti Israel ken Hezbollah ti plano a ceasefire nga inlungalong ti Estados Unidos.
Segun kenni US President Donald Trump, nagtulagen ti nagsinnumbangir a dasig nga italna paylaeng iti panagraut kalpasan a nagpatang dagiti representante da.
Inawat met ti Hezbollah ti katulagan nga isardeng paylaeng ti panagraut idiay Israel kasukat ti saan a panagbomba ti Israel idiay Beirut.
Pinasingkedan ni Israeli Prime Minister Benjamin Netanyahu iti katulagan, ngem nagpakdaar isuna a nga agtuloy latta ti air strikes da nu saan a sardengan ti Hezbollah iti panag-target kadagiti ili ken sibilyan ti Israel.
Laksid na ket imbatad ti Hezbollah a nangisayangkat da iti panagraut usar dagiti drones ken artilleries kontra kadagiti soldado ti Israel, bayat nga impadamag met ti Israel a naharang da dagiti dua a projectiles manipud Lebanon.
Iti sabali a bangir ket nagballaag met ti Iran a para ti aniaman a panaglabsing ti ceasefire deal idiay Lebanon ket maibilang metten a panaglabsing iti agraraira a katulagan ti nagbaetan da iti Estados Unidos.
