Manamnama a mangigubuay ti Southwest Monsoon wenno Habagat ti nalulem a tangatang nga addaan ti mawaraswaras a panagtudo ken panagkimat-panagguruod idiay Mindanao ken Palawan ita nga aldaw, segun ti Philippine Atmospheric, Geophysical and Astronomical Services Administration (PAGASA).
Segun ti state weather bureau, makapatad ti nalulem a tangatang ken mawaraswaras a panagtudo iti pakabuklan a Mindanao, Western Visayas, Negros Island Region, Central Visayas, ken Palawan gapu ti habagat.
Nagpakdaar met iti PAGASA iti posible a panaglayos ken panagreggaay ti daga gapu ti katamtaman agingga napigsa a panagtudo.
Kabayatanna, apektaran ti Trough wenno ipos ti Low Pressure Area (LPA) iti Bicol Region ken Eastern Visayas, a manamnama a makapadas iti kapada a paniempo.
Posible iti panaglayos ken landslide kadagiti apektado a lugar isu a maibalakad iti panagannad.
Idiay Metro Manila ken nabatbati a paset ti Luzon, manamnama met iti apagapaman agingga nalulem a tangatang nga addaan ti mapatto-pattok a panagtudo wenno panagguruod gapu ti Localized Thunderstorms.###
