Iti kabaiitan nga panawen ket maitarimaan iti nadadael a hanging bridge ti Barangay Guinabang, Bacnotan, La Union.
Daytoy iti kinumpirma iti Bombo Radyo La Union ni Provincial Engr. Rese Estrella.
Segun kenni Estrella, nakadanon kenni La Union Governor Emmanuel Pacoy Ortega III ti nasao a damag ket dagus na nga imbilin iti pannakaitarimaan ti hanging bridge.
Innayon pay ni Estrella a kinuna ti gobernador a saan a kayat nga adda ti kastoy nga pasamak.
Mainaeg iti daytoy, nag trending iti social media ti video ti panagtalaytay dagiti tattao iti hanging brigde nga uray no nakasikeg daytoy ken napeggad para kadakuada.
Maipalagip, immapela dagiti residente ti nasao a Barangay na kuma matarimaan nga dagus ti hanging bridge a kangrunaan nga dalan dagitoy tapno makaballasiw iti karayan.
Kinuna ni Benito Nicha, a maysa isuna kadagiti natinnag iti rangtay kabayatan iti panagawid na kalpasan na a kinita ti taraken na a nuwang iti bantay.
Kabayatan kuna na a magmagnada ken iti innem a sabsabli pay iti rangtay id kellaat nga naputed iti maysa a kable daytoy.
Natinnag daytoy ken iti maysa nga ubing idi a nakakapet ken nakabitin iti dadduma.
Maipalagip nga adda dua a hanging bridge iti Barangay Guinabang a kangrunaan nga dalan dagiti residente a bumallasiw iti karayan ngem nadadael dagitoy gapu ti napegges nga agos ti danom kadagiti naglabas a bagyo.
