LA UNION – Tinumba ni Hawaii based Pro-boxer Patrick Meniano iti kinalabanna na a Batangueño boxer iti maikadwa a rikos iti laban da idi Sabado idiay Parañaque City Sports Complex.
Saan a nalpas iti four-round fights da Meniano ken Dennis Rocero Malavega, kalpasan nga insardeng ti referee iti maikadwa a rikos ti laban gaputi pannaka-knockdown ni Malavega.
Ni Meniano ket addaan ti record a 36-6 win-loss.
Kaadwan a labanna kas Amateur boxer ket naisayangkat idiay Mexico.
Naipangabak na met it dua a labanna kas pro-boxer, a pakairamanan ti naisayangkat idi Sabado.
Daytoy ti umuna a laban ni Meniano ditoy Pilipinas kas pro-boxer.
Ni Alejandro Patrick Meniano, 23-anyos, ket dimmackel iti pamilya Meniano a nakabase iti Barangay Madayegdeg, City of San Fernando ngem nagturong ti pamilyana idiay Honolulu, Hawaii idi agtawen ti 10.
Base iti istoryana, nangrugi ti panag-boksing na idi agtawen ti kinse, babaen ti tulong ti maysa a gayyem na, a nangiturong kenkuana iti boxing gym ken nagserbi a training coach daytoy.
Segun kenni Patrick, biktima isuna ti bullying iti pagadalan da idiay Hawaii, ket nagserbi daytoy a motivation tapno ipursige na ti ag-boksing.
Arapa-ap na iti agbalin a kampeon ken agbalin a maysa a famous coach iti boksing.
Innayonna pay nga idolo-na iti Pambansang Kamao a ni Manny Pacquiao.
