Nagbalin manen a topiko online da Heart Evangelista ken Raymond Gutierrez kalpasan a napansin dagiti sumagmamano a netizens dagiti cryptic posts ni Gutierrez ken ti maipagarup a panag-unfollow da iti tunggal maysa iti Instagram.
Nangrugi iti espekulasion idi nagpost ni Raymond ti mensahe a “What a joy to have real friends! #CleanMoneyGirls,” kalpasan a mababalaw ti content creators a ni Mimiyuuuh ken Esnyr gapu iti angaw maipapan iti panagbalin a “nepo baby” ken kaadda ti “clean money.”
Inkonektar met isuna dagiti sumagmamano a netizens kenni Heart kalpasan a nagpost ni Raymond maipapan iti panaglayos ken impaganetget a maikari dagiti Pilipino iti naurnos a serbisio manipud kadagiti public servants.
Immunan nga imbinglay ni Heart iti maysa nga insidente no sadino pinagkakatawaan da isuna kalpasan nga insuot na iti bado a naka-sale.
Ad-adda pay a kimmaro iti espekulasion idi Agosto 22 idi nadlaw iti panag-unfollow da iti tunggal maysa iti Instagram.
Nupay kasta, awan pay ti waragawag dagiti dua ken agtaltalinaed nga espekulasion iti maibagbaga a susik.###
