Nagpakdaar ti PAGASA nga agtultuloy iti napigsa a tudo kadagiti sumagmamano a paset ti pagilian agingga inton Domingo, Hulio 26, gapu ti Severe Tropical Storm Kiyapo ken ti pinapigsa daytoy Southwest Monsoon wenno Habagat.
Segun ti state weather bureau, adda ti pangta ti 100 agingga iti 200 milimetro ti tudo manipud Hulio 24 agingga Hulio 25 idiay Batanes, Cagayan, Apayao, ken Ilocos Norte, idinto a 50 agingga iti 100 milimetro ti manamnama idiay Isabela, Kalinga, Abra, Benguet, Ilocos Sur, La Union, Occidental Mindoro, Palawan, Antique, Iloilo, Guimaras, ken Negros Occidental.
Manipud Hulio 25 agingga iti Hulio 26, manamnama met a makapasar ti Bataan ken Occidental Mindoro iti 50 agingga ti 100 milimetro a tudo, bayat nga agtultuloy iti naulep a tangatang nga addaan ti mawaras-waras agingga iti agtultuloy a panagtudo kadagiti dadduma a lugar a maapektaran ti abagatan a laud a monsoon.
Impakdaar ti PAGASA a dagitoy a panagtudo ket mabalin a pakaigapuan ti layus, flash floods, ken panagreggaay ti daga, nangruna kadagiti nababa a lugar ken kabambantayan a nalaka a magaburan ti daga.
Mabalakadan iti publiko ken lokal a gobierno nga itultuloy a bantayan dagiti weather advisories ken aramiden dagiti maitutop a panagannad.###
