LA UNION – Arestado iti 26-anyos a helper iti insayangkat dagiti otoridad nga anti illegal drug buy bust operation iti Purok 3 Brgy. Sevilla, San Fernando City, La Union.
Nabigbig daytoy iti nagan a TJ MARJOE TIU, residente ti Zone 5, Barangay Lingsat.
Iti nasao nga operasyon ket nagresulta iti pannakakumpiskar ti 3 a heat sealed transparent plastic sachet a naglaun ti maipagarop a shabu, mapatta-patta nga agbalor ti P2,000; 8 a pidaso ti ziplock a naglaun ti maipagarop a napagango a bulong ti marijuana, agdagsen ti 15 grams, addaan ti DDB value a P12,000; coin purse, eco bag, P1,000 bill, ken maysa a motorsiklo.
Iti suspek ken dagiti nakumpiskar nga illegal drugs ken dadduma pay nga item ket naipasidong iti custodiya ti pulisiya.
Kaso a panaglabsing ti RA 9165 wenno Comprehensive Dangerous Drugs Act of 2002 iti maidatag kontra iti helper a maipagarop a drug pusher.
