Napilaan ti anonymous graft complaint ni Health Secretary Ted Herbosa ken dua nga opisial ti Department of Health iti Office of the Ombudsman, mainaig iti maipagarup a panagusar ti P98 million a pondo ti gobierno para iti maysa a radio program a makuna a nagserbi kas plataporma para iti personal publicity.
Nagpabigbig iti complainant kas Alliance for Clean and Transparent Government (ACTGov). Isuda iti nangipila ti administrative complaint kontra kenni Herbosa, Assistant Secretary Albert Domingo, ken Director Tina Marasigan.
Segun kenkuada, maipagarup nga inaramat dagiti opisial iti radio program para iti bukodda a pagimbagan, imbes a para iti health promotion.
Karaman pay iti reklamo iti alegasion a conflict of interest, gapu ta iti asawa ni Director Marasigan ket maysa nga ehekutibo ti kompania a mangipapaay ti content iti radio station.
Maipagarup a linabsing dagiti opisial iti linteg babaen ti panangigiddan iti pagrebbengan kas public official bayat nga agtugtugaw kas anchor wenno host ti radio program a pinondoan ti kaban ti pagilian.
Iti dasig ti DOH, inlawlawag ni Asec. Domingo nga awan pay ti naawatda a kopia ti reklamo ken kenunada nga iti anchoring ken hosting duties ket maitunos kadagiti pagalagadan ti gobierno.
Tinagibassit-na met iti reklamo ken inawaganna daytoy nga awanan ti basaran.
Iti naisina nga statement, kenuna ni Secretary Herbosa a legal ken transparent iti panagusar ti media platforms ken sumursurot daytoy iti procurement laws ken media ethics.
Impaganetget na a panggep ti programa ket mangidanon ti umno nga impormasion maipapan iti salun-at ti publiko.#
