BR LA UNION – Arestado iti maysa a high value individual iti naiwayat a drug buy bust operation idiay Barangay Cacapian, San Juan, La Union.
Iti operasyon ket indauluan ti La Union Provincial Drug Enforcement Unit (LUPDEU), Philippine Drug Enforcement Agency Regional Office I (PDEA ROI), La Union Intelligence Unit (LUPIU), San Juan Municipal Police Station (MPS), Regional Intelligence Division PRO1 (RID PROI), ken RIU-PITLU.
Nabigbig ti suspek kas alias “Josh”, 27-anyos, maysa a butcher, ken residente ti Barangay Sinapangan, San Juan, La Union.
Nakumpiskar kenkuana iti 18 a gramo ti maatap a marijuana, kush, marijuana vial/ampule, ken uppat (4) gramo ti liquid tetrahydrocannabinol.
Dagiti iligal a droga ket mapatta-patta nga aggatad iti P80,000.00 pesos.
Iti suspek ket adda itan iti kustodiya ti PDEA ROI ken sumangsango ti kaso a panaglabsing ti Republic Act No. 9165 wenno Comprehensive Dangerous Drugs Act of 2002.
