LA UNION – Natay ti maysa a 16-anyos a barito kalpasan a nagbekkel daytoy idiay Barangay Tagudtud, ili ti Bagulin, La Union.
Base iti imbestigasyon ti Bagulin Police, nasarakan iti mannalon ti barito a nakabitin iti bagina iti maysa a kiosk.
Maysa a hose ti maipagarup nga inusar ti barito a nagbekkel.
Sakbay iti napasamak, sigun iti kabagyan ti barito ket maipagarup a dua nga aldaw nga agin-inom daytoy ken maisawsawangna iti parikot ti pamilya.
Malamlamayan itan ti bangkay ti biktima iti balayda.
