LA UNION – Napanawagan iti Hollywood actor a ni George Clooney a nasken nga umatrasen iti Presidential election ni US President Joe Biden.
Kinuna ni Clooney a mamati daytoy kenni Biden kas maysa a gayyem, kas senador, bise president ken kas Presidente.
Innayon na pay, a sabali itan ni Biden nu ikumpara idi 2010 ken idi 2020.
Inaklon ti actor a nadismaya iti impakita a performance ni Biden idi nagsango a iti kalabanna a ni sigud a US President Donald Trump iti maysa a debate.
Maipalagip a ni Clooney ti nangidaulo iti inyuswat a fundraising event para iti kampanya ni Biden.
Immuna a tinakderan ni Biden a saan nga umatras ken nakasagana a mangiturpos ti termino na ken mamati nga abakenna pay laeng ni Trump iti eleksiyon.
