LA UNION – Mararaem ita iti maysa a tricycle driver a nagipulang iti dokumento ken kuwarta a nabati ti pasahero na a pulis.
Iti honest driver ket managan Domar Espiritu, 26, baro, residente ti Barangay Sevilla, San Fernando City ken agman-maneho iti traysikel nga addaan ti body no. 1605
Segun kenni Espiritu, namitlo a daras a rinikos na iti old market a nangidissa-agan na iti policewoman ngem saan na a nakita, isunga nagdiretso ditoy Bombo Radyo La Union broadcast center tapno maipanawagan ti folder a nabati ti pulis iti man-manehuen na a traysikel.
Napalalo met iti panagyaman ni PMSgt Vilma Pattal ken iti sibubukel a Santol Police Station kenni Espiritu gaputi panangipulang na iti nasao a folder.
Kinuna na nga umadu pay koma iti kas kenni Espiritu a driver.
Inaklon ni Pattal a naglaun iti napapateg a dokumento ti pulisiya ken adda pay cash money na iti nasao folder.
