Mapaspasaran ti Hongkong ti kangatuan a presyo ti gasolina iti lubong a dumanon ti nasurok-kumurang $15.6 wenno nasurok ₱900 tunggal galon.
Karkaro a kimmaro iti panagngato daytoy gapu ti sangalubongan a krisis iti enerhiya a pinakaru ti tensyon idiay Middle East, kangrunaan iti pannakasinga ti panagdalyasat dagiti langis idiay Strait of Hormuz.
Nupay bassit pay laeng dagiti addaan ti pibrado a lugan sadiay, agtaltalinaed a mangigubuay daytoy ti panagngato ti gastos iti transportasyon ken magatang.
Ado dagiti residente iti lumaslasat idiay mainland China tapno makatipid, kangrunaan idiay Shenzhen, gapu ta nalaklaka iti gasolina.
Laksid daytoy, agtaltalinaed nga umdas ti suplay ti enerhiya gapu ta kaadduan ket agtaud idiay mainland China. Nupay kasta, agtultuloy a maap-apektaran iti ekonomiya ken pagbiagan dagiti mangmangged aglalo dagiti mangnamnama iti panagpasada wenno panagmaneho.
Maysa met kadagiti rason ti nangatngato a presyo ket ti buwis iti langis ken nangina a gastos iti daga, a mangnayon iti nababa a bilang dagiti agtagikua ti lugan iti siyudad.###
