Inladawan ni Senador Risa Hontiveros ni Bise Presidente Sara Duterte kas agdama a kapigsaan a kandidato ti 2028 presidential race, ken impaganetget ti kinapateg nga agkaysa iti hanay dagiti opisision.
Segun kenni Hontiveros, kasapulan a pagsaganaanda daytoy tapno makasabay iti kapigsaan a kandidato kas iti panangidiaya kadagiti botante ti “something new” ken something better” maiyarig iti nagbalin a kapadasanda.
Inwaragawag ita nga aldaw ni Bise Presidente Sara nga anak ni sigud a Presidente Rodrigo Duterte ken sigud a kaalyado ni Presidente Marcos Jr. – ti panagkandidatona iti kinapresidente inton 2028.
Idi napalabas a lawas ket kenuna ti Bise nga addaan ti “political motive” dagiti kabaruan nga impeachment complaints kontra kenkuana.
Dinakamat na met a maysa kadagiti mammanday-linteg a nangsuporta iti reklamo ket ka-partido ni Hontiveros, a posible a mapili kas standard bearer ti oposision.
Iti biang ni Hontiveros, saan isuna nangipila ti aniaman nga impeachment complaint ken iti agdama a kaso ket adda iti House of Representatives.
Impaganetget na nga iti panangipatungpal ti impeachment trial ken trabaho ti Senado, saan a personal, wenno pampulitika nga agenda.###
