LA UNION – Inirotan pay ti Ilocos Training Regional and Medical Center iti syudad ti San Fernando, La Union dagiti addang daytoy kontra iti 2019 Novel Corona Virus.
Idi kalman, rinugyanen iti liderato ti ITRMC nga aramiden ti screening kadagiti sumsumrek iti nasao a pagagasan no sadino nakabantay dagiti security guard ken medical practitioners nga nakasuot ti facemask ken thermal scanner tapno imonitor dagitoy.
Uray dagiti behikulo a sumrek ket dumalan iti thermal scanners.
Kalpasan nga maisayangkat ti screening ket maikkan dagitoy ti rubber band nga addaan ti green a papel para iti emergecy ken yellow no out patient.
Ti nasao nga addang ket paset laeng tapno makaliklik iti NcoV.
Maipalagip, nakaconfine pay iti nasao a pagagasan ti 3 Chinese nationals nga agkakabsat a Patients Under Investigation (PUI’s) mainaeg ti NcoV.
