Bimmaba ti nobenta’y uno a porsiento (91%) iti net inflow ti foreign portfolio investments wenno “hot money” iti Pilipinas idi Hulio, iti $66.47 million, manipud iti $742.56 million iti kapada a bulan idi 2025, segun ti Bangko Sentral ng Pilipinas (BSP).
Nababbaba met daytoy ti 60.9 percent maiyarig iti $170.12 million net inflow idi Hunio, kalpasan a bimmaba ti 4.1 percent iti gross inflows iti $2.37 billion bayat a ngimmato ti 33.2% iti gross outflows iti $2.30 billion.
Laksid daytoy, maikatlo a nagsaruno a bulan iti Hulyo a nakailista iti pagilian ti net inflow, karaman iti $86 million net inflow iti Philippine Stock Exchange-listed securities ken $20 million net outflow iti government securities.
Nupay kasta, agtaltalinaed a dakkel iti pakabuklan a panangiruar ti foreign portfolio investments, a dumanon ti $3.94 billion net outflow manipud Enero agingga Hulio 2026, gapu iti $2.21 billion net outflow iti government securities ken $1.73 billion iti PSE-listed securities.###
