Impannakkel ni House Majority Leader Sandro Marcos iti panangipasa ti Kamara dagiti 18 LEDAC priority measures sakbay ti Holy Week break, a segun kenkuana ket maysa a pammaneknek nga epektibo ti trabahoda iti laksid ti ababa nga eskediul.
Impaganetgetna iti kinagaget ti Kamara a mangipatungpal kadagiti prioridad ti administrasion babaen ti panangidaulo ni Speaker Bojie Dy III, karaman ti dagus a pannakaipasa ti maysa a gakat a mangipalubos iti Presidente a kissayan wenno mangsuspende ti excise tax iti petroleo tapno matulongan ti publiko kontra iti nangato a presio ti tagilako.
Segun kenni Marcos, dagiti naipasa a singasing ket saan laeng a kinaado no di ket pammaneknek ti maysa a “working House”, ken ti Holy Week break ket temporario a panaginana laeng.
Karaman kadagiti dimmur-as a singasing ket iti pannakaitantan ti BARMM Elections, National Center for Geriatric Health, EPIRA Amendments, Waste-to-Energy, ken Estate Tax Amnesty, bayat a nakapila pay laeng iti National Land Use Act ken pannakapapigsa ti 4Ps.
Iti pakabuklan, 9,632 a singasing iti naipila ti Kamara.###
