Kayat ti House prosecution a naan-anay a maibatad ni National Bureau of Investigation (NBI) Director Melvin Matibag iti resulta ti imbestigasion iti mapapati a pangta ni Bise Presidente Sara Duterte kada Presidente Ferdinand Marcos Jr., First Lady Liza Araneta-Marcos, ken sigud nga Speaker Martin Romualdez iti panagparang na iti Senate impeachment court inton Hulio 21.
Segun kenni House prosecutor ken Bicol Saro Party-list Rep. Terry Ridon, panggepda nga ilawlawag ni Matibag iti pakabuklan nga imbestigasion nga insayangkat ti NBI, pakairamanan ti nagbalin nga akem dagiti dadduma nga opisina ti ahensia ken no adda pay laeng ti agraraira a pangta kontra iti Presidente ken ti pamiliana.
Nagtaud ti isyu iti waragawag ni Duterte idi Nobiembre 23, 2024 no sadino kenunana a nangted daytoy ti bilin nga ipapatay ti Presidente, ti First Lady ken ni Romualdez no kas pangarigan mapatay isuna.
Kalpasan ti imbestigasion, inrekomendar ti NBI iti pannakaipila ti kaso a grave threats ken inciting to sedition kontra iti Bise Presidente.
Ni Matibag iti manamnama a maudi a saksi ti prosecution para iti Article IV ti impeachment complaint sakbay nga umakar iti hearing iti isyu ti mapapati a biddut a panangusar ni Duterte ti confidential funds.###
