Inpasigurado ti House prosecution nga agtalinaed a nakapamaysa da iti panangidatag ti ebidensia iti impeachment trial ni Bise Presidente Sara Duterte iti laksid ti mapapati a gandat a mangiturong iti atension ti publiko kadagiti dadduma a banag.
Segun kenni sigud a Surigao del Norte Rep. Robert Ace Barbers, spokesperson ken adviser ti prosecution panel, saan nga umanamong ti dasigda iti nagduduma a salaysay ket imbes ketdi, patibkeren dagiti ebidensia a maiparparang iti Senate impeachment court.
Kinuna ni Barbers a napateg a makita dagiti senador-judge ken ti publiko iti kaipapanan dagiti ebidensia nga indatag ti prosecution.
Iti umuna a lawas ti panagusig, indatag ti prosekusion dagiti ebidensia a mainaig iti Article IV ti Articles of Impeachment. Karaman ditoy ti testimonia ni NBI Senior Agent John Mark Calilung a nangpasingked kadagiti video a naaramat kas paset ti alegasion kontra kenni Duterte.###
