Namnamaen ti House prosecution a ti testimonia ni National Bureau of Investigation (NBI) Director Melvin Matibag ket naglaon iti napateg nga impormasyon mainaig iti pakabuklan nga imbestigasyon kadagiti mapapati a pangta ni Bise Presidente Sara Duterte kontra kada Presidente Ferdinand Marcos Jr., First Lady Liza Araneta-Marcos, ken sigud nga Speaker Martin Romualdez.
Segun kenni House prosecutor Terry Ridon, saanna pay mabalin nga ipalgak dagiti detalye ti testimonia tapno saan a maapektaran iti namnamaenna nga agbalin nga epekto daytoy.
Agserbi ni Matibag a maudi a testigo ti prosekusion iti sidong ti Article IV ti impeachment complaint, a mangtaltalantan kadagiti maipagarup a grave threats ni Duterte.
Inlawlawag ni Ridon nga ibutaktak ni Matibag iti pakabuklan a resulta ti imbestigasion ti NBI, pakairamanan ti akem dagiti dadduma nga opisina ti ahensia, ken saan laeng a dagiti teknikal a natakuatan ti Cybercrime Division nga immun-una nga indatag dagiti testigo nga isuda NBI Regional Director Jeremy Lotoc ken Senior Agent John Mark Calilung.
Kenunana apanggep ti testimonia a mangbukel iti total narrative ti NBI kas maysa nga institusion mainaig iti kaso.###
