Awan ti epekto iti biang ti prosekusion iti panagbisita ni Office of the Vice President Chief of Staff Atty. Zuleika Lopez iti Senado ita nga aldaw.
Segun kenni House Prosecution Legal Spokesperson a ni Atty. Benjamin Tolosa Jr. ken House Prosecutor Rep. Rodge Gutierez, awan ti impormasyon da mainaig iti panggep wenno detalye ti panagbisita ni Lopez iti Senado.
Inyunay-unay da Tolosa ken Gutierez nga agtalekda a saan a makaapektar daytoy iti proseso ti impeachment trial kontra kenni Bise Presidente Sara Duterte.
Dinakamat ni Tolosa a kiniddawda pay iti impeachment court a patulodan-da ti subpoena ni Zuleika tapno sumango iti panagusig kas saksida iti maikapat nga articles of impeachment mainaig iti pangta ni VP Duterte nga ipapatay da Presidente Ferdinand Bongbong Marcos Jr., 1st Lady Liza Marcos, ken sigud nga Speaker Martin Romualdez.###
