Pinasingkedan ti Iran-aligned Houthi group idiay Yemen a rinaut da iti Jazan refinery ti Saudi Aramco iti southwestern Saudi Arabia idi Dominggo.
Segun kenni Houthi military spokesperson Yahya Saree, drone iti nausar iti panagatake iti refinery.
Pinasingkedan met ti Saudi Energy Ministry a naaddaan ti uram iti pasilidad ngem dagos daytoy a nasebseban ken awan ti naipadamag a nadangran.
Addaan ti kapasidad iti Jazan refinery nga agproseso ti agingga 400,000 barrels ti cruse oil tunggal aldaw ken sigud metten a nagbalin a target dagiti panagraut ti Houthis.
Malaksid ditoy, kenuna ti grupo a nangisayangkat da met ti missile ken drone attacks kontra iti Mocha, maysa a Yemeni Red Sea port city.
Segun iti report ti Reuters, pinaputukan ti air defenses dagiti drone a maipagarup a target iti commercial quay ken storage facilities ti port.
Kenuna ni Saree a target ti panagraut da dagiti suldado ti Saudi ken weapons arsenal iti lugar, bayat a kenuna ti Yemeni military spokesperson a pito dagiti natay. Segun met iti Yemeni Transportation Ministry, nakaro iti perdision iti imprastraktura ti port.
Immunan a nangideklara dagiti Houthis ti naval blockade kontra iti Saudi Arabia sadiay Red Sea, nga ikonkonektar da iti maibagbaga a blockade ti Riyadh kontra kadakuada. Pinaglibakan met daytoy ti Saudi government.
Dua nga aldaw sakbay iti panagraut, nagperma iti Saudi Arabia iti maysa a defense agreement kadua ti Turkey ken Pakistan kas sungbat iti kumarkaro a regional instability gapu ti gubat iti nagbaetan ti Estados Unidos, Israel, ken Iran.
Nakalanad iti katulagan nga iti armado a panagraut iti aniaman kadagiti tallo a pagilian ket maibilang a panagraut kontra iti amin.
Nupay kasta, saan pay a nalawag no makipaset wenno kasano a sumungbat ti Turkey ken Pakistan no kaspangarigan iti Saudi Arabia ti addang ti addang kontra kadagiti panagraut ti Houthis.
Kenuna met ni Turkish Foreign Minister Hakan Fidan a nakapamaysa iti defense pact kontra iti Iran wenno aniaman a partikular a pagilian, no di ket maysa a sapasap a katulagan para iti seguridad dagiti tallo nga agkaalyado a pagilian.###
