Pagbaludan iti nagtinnagan ti maysa a high value target ken number 3 iti municipal level kalpasan nga inarestar dagiti otoridad idiay Caba, La Union.
Nabigbig daytoy a ni Edison Sobredo, 42, addaan asawa, residente ti Barangay Poblacion Norte, iti nasao met laeng nga ili.
Immuna ditoy, maipagarop a hinostage pay ti suspek ti dua nga anak na a menor de edad babaen ti kutsilyo ken nagpangta pay a papatayin na dagitoy.
Nupay kasta, dagus a nakontrol dagiti otoridad ti sitwasyon ken naarestarda ti suspek.
Malaksid iti panagbalin a HVT ken number 3 iti municipal level ket maipagarop a karaman met ti suspek iti Marzan Group nga adda pakainaegan na iti illigal a droga.
Isagsagana met itan dagiti ti kaso a panaglabsing iti RA 9165 wenno Comprehensive Dangerous Drugs Act of 2002 kontra iti suspek.
