BR LA UNION – Agsap-sapol iti International Criminal Court (ICC) ti transcribers nga eksperto iti Tagalog ken Cebuano.
Maibasar iti job opening nga in-post ti ICC idi Enero 28, iti nasao a job opportunity ke nakalista iti sidong ti ICC Office of the Prosecutor Language Services Unit ken iti individual contractor ken short-term basis.
Nakailanad pay ditoy a maarusit ti selection process iti roster of freelance transcribers.
Iti kanito a ma-accredit, maidiaya kadagiti freelance transcribers ti kontrata para iti panangipaay ti remote transcription services maibasar iti operational needs ti Unit.
Makita iti kumpleto a detalye seknan iti nasao a job openings iti website ti ICC.
Nupay saan a nadakamat nu iti diaya a trabaho ket konektado iti panangaresto kenni sigud a President Rodrigo Duterte, agpar-parang a naiparna daytoy a nalukatan iti publiko kagiddan iti aplikasyon ti ICC Office of the Prosecutor idi Pebrero 10 para iti warrant of arrest iti sigud a presidente ti Republika ng Pilipinas gaputi maipagarop a crimes against humanity, nga adda pakainaiganna iti nadara a war on drugs.
