Agsapsapol manen ti International Criminal Court (ICC) kadagiti Tagalog ken Cebuano freelance transcriber.
Maipalagip nga idi napalabas a tawen ket nangipaskil ti ICC ti anunsyo para kadagiti indibidwal nga eksperto kadagiti nasao a lengguahe ken makita manen ita ti pagkasapulan iti official website da.
Maibasar iti agannurotan ti international tribunal, iti deadline ti panangisubmitir ti aplikasyon ket inton Disyembre 31, 2025 ken strikto da agsipud ta ti masurot ket ti time zone ti The Hague, Netherlands.
Apaman a limmagpas iti alas-dose ti tingnga’t rabii ti Disyembre 31, oras idiay The Hague ti panangipasa ket saanen nga awaten pay ti Korte dagiti aplikasyon, aniaman a pagilian ti nagtaudan ti aplikante.
Agdama ita a naka-detene ni sigud a Presidente Rodrigo Roa Duterte idiay ICC Detention Centre kalpasan a maarestar isuna ditoy Pilipinas idi Marso ken naan-anay a nai-sirrender iti international tribunal.
