Nangaramid ti microsite iti International Criminal Court a pangipasaan dagiti saksi ti impormasion maipapan kadagiti krimen a napasamak kabayatan ti war on drugs idi panawen ni sigud a Presidente Rodrigo Duterte.
Iti social media post ti ICC, inallukoyda dagiti witness ti insidente karaman dagiti kameng ti Philippine National Police ken sumagmamano nga law enforcement agencies nga umasideg ken makisarita iti opisinada.
Mangisaysayangkat ti imbestigasion iti Office of the Prosecutors ti ICC iti maipagarup a crimes against humanity a napasamak ditoy Pilipinas, a pakairamanan dagiti pammapatay, torture, sexual violence a paset ti war on drugs a napasamak manipud tawen 2011 agingga Marso 2019.
Ti nasao a social media post ket naipatarus met iti Tagalog ken Visayan versions.
Maipalagip nga idi Marso napalabas a tawen idi naarestar ti ICC ni Duterte gapu ti crimes against humanity ken ti kampaniana kontra ti illegal a droga kabayatan ti panagtakem na kas Presidente.###
