BR LA UNION – Pormal a rinugyan ti International Criminal Court (ICC) iti presentasyon dagiti ebidensya kontra kenni sigud a President Rodrigo Duterte nga adda pakainaigan iti nadara a drug war ti administrasyon na.
Ti pannakaituloy ti panagdengngeg, indaulwan ni ICC Deputy Prosecutor Mandiaye Niang dagiti nangipaay ti opening statement ken indatag na iti overview of the evidence iti pagukuman.
Segun kenni Niang, ti nasao nga addang ket napateg a paset ti pananggun-od ti hustisya para kadagiti ribu a biktima a natay iti sidong ti kampanya kontra-droga iti napalabas a gobyerno.
Nangipaay ti ballaag ti opisyal nga awan ti siasinuman a makalibas iti pagsung-sungbatan.
Ti maisay-sayangkat nga imbestigasyon ti ICC ket nairanta nga amwen iti posible a sungsungbatan ni Duterte ken dagiti sigud nga opisyal na.
Maur-uray met iti agbalin nga addang ken opisyal a sungbat iti kampo ti sigud a presidente seknan kadagiti nailatag nga akusasyon.
