Nangdutok iti International Criminal Court (ICC) Pre-Trial Chamber I dagiti medical expert a mangamiris iti kondision ken kabaelan ti sigud a Presidente Rodrigo Duterte a makipaset kadagiti panagdingeg mainaig ti maiyak-akusar kenkuana nga crimes against humanity.
Maibasar iti dokumento a napetsaan ti Oktubre 9, imbilin ti ICC iti panakadutok ti multidisciplinary panel a buklen dagiti eksperto iti forensic psychiatry, neuropsychology, ken behavioural neurology tapno maammuan no adda ti rikriknaen iti sigud a Presidente a mabalin nga makaapektar iti panagawat ken panakipaset na iti proseso ti panagusig.
Panggep ti panagamiris nga ammuen no maawatan ti Duterte iti panggep ken resulta ti kaso, iti ebidensia kontra kenkuana, ken no kabaelan na a mangipaay ti statement wenno makikoordinar iti abogadona para iti depensa.
Segun ti lead counsel ni Duterte a ni Nicholas Kaufman, maipagarop a makapaspasar iti sigud a Presidente ti cognitive deficiencies ken marigatan a manglagip kadagiti pasamak, lugar, ken dagiti sumagmamano a miembro ti pamilya ken ti legal team.
Nagkiddaw iti kampona ti “indefinite adjournment” wenno temporario a panakaipasardeng ti kaso, ngem pinagkedkedan ti ICC iti panagdanag a mabalin a liklikan ni Duterte iti panagusig gapo iti sigud a panangipangtana kadagiti testigo ken agtultuloy nga impluwensia ti pamilyana iti pagilian.###
