LA UNION – Sumangsango iti panaglabsing iti Presidential Decree (PD) 705 ti dua nga indibidual kalpasan a nakumpiskar kadakuada dagiti illigal logs idiay Barangay Poblacion East, Pugo, La Union.
Nabigbig dagitoy a da Joel Dango, 36, addaan asawa, driver ti SUV, residente ti Brgy. Cares ken ti kaduana a ni Rogelio Lopez.
Nakumpiskar dagiti otoridad kadakuada iti 592 board feet ti kayo a gmelina nga addaan ti market value a PP20,730.
Iti agdama, agtaltalinaed dagitoy iti kustodiya dagiti otoridad kalpasan nga awan ti naipakita a dokumento para iti pannakaibyahe dagiti kaykayo.
