LA UNION – Aganay 501 board feet nga illegal logs, nga addaan ti mapatta-patta a market value a P5,010 ti kinumpiskar dagiti otoridad idiay Barangay Gumot-Nagcolaran, Rosario, La Union.
Maibasar iti report, pakabuklan a 19 a pidaso ti naputed a kayo ti narra iti nakumpiskar, agraman ti maysa a chainsaw.
Dagiti nasao nga illegal logs ken chainsaw ket kukua ti managan Eddie Palaruan, 53-anyos, addaan ti asawa, maysa a mannalon, ken residente ti Barangay Cataguintingan, Rosario, La Union.
Naipasidong dagiti nasao a kayo iti custodiya ti Rosario PNP para iti umno a disposisyon.
