LA UNION – Agraraira latta ti illegal recruitment iti Region One.
Daytoy iti imbatad ti Philippine Overseas Employment Administration (POEA) Region One.
Segun kenni Romeo Jaramilla, officer-in-charge ti POEA, adda pay laeng dagiti maaw-awat da a complaint maipapan iti illegal recruitment a mapas-pasamak iti rehiyon.
Inlawlawag na nga adda iti dua a klase ti illegal recruitment.
Umuna, awanan ti permit wenno lisensiya iti maysa a recruitment agency ken ti maikadwa, uray lisensiyado iti agency ngem saan met a masurot ti nakailanad iti kontrata a nagtulagan iti baetan ti ahensiya ken aplikante.
Gaputi dayta, binalakadan na dagiti adda plano na a mapan mangged iti ballasiw taaw nga agannad ken saan a dagus nga agtalek kadagiti recruitment agency.
