Iti Ilocos Norte 1st District ti addaan kada-dakkelan a kantidad iti proyekto a mailatang iti Department of Public Works and Highways (DPWH) kas nakailanad iti 2027 national budget, maibasar iti panagamiris ti People’s Budget Coalition ken inlanad da iti panagdengngeg ti Senate Finance Committee ita nga aldaw ti Lunes, Oktubre 26.
Segun kenni Kenneth Ibasco Abante, co-convenor ti People’s Budget Coalition, umabot iti P4.74 bilyon ti balor dagiti proyekto idiay Ilocos Norte 1st District, nga addaan ti 433 budget lines.
Sumaruno iti Nueva Ecija 1st District nga addaan ti P3.86 bilyon, Bulacan 2nd District nga addaan ti P3.47 bilyon, Metro Manila 3rd District addaan ti P3.09 bilyon, ken Isabela 4th District nga addaan ti P3.07 bilyon.
Kabilang pay iti walo a district office nga addaan ti kada-dakkelan a balor iti proyekto ket iti Batangas 2nd District (P2.90 bilyon), Bulacan 1st District (P2.63 bilyon), ken Cavite 1st District nga addaan ti P2.59 bilyon.
