Suportado ni La Union Gov. Pacoy Ortega ti pannakaipromote iti Ridge to Reef Tourism bubble project ditoy North Luzon babaen iti nagbaetan iti Baguio City ken dagiti probinsiya iti Region 1.
Iti pannakiuman iti Bombo Radyo La Union kenni Provincial Information and Tourism Officer Adamor Dagang, kinunana nga urnusen da pay ti sistema ditoy probinsiya no mapalubusanen dagiti turista manipud syudad iti Baguio.
Segun pay kenni Dagang, napintas daytoy a damag ken manamnama nga iti katapusan ti September ti initial piloting iti proyekto.
Innayon pay ni Dagang a maysa daytoy kadagiti tartarigagayan iti La Union tapno matulungan a biyagen ti turismo, ekonomiya ken iti trabaho no man iti sangsanguen a pandemya.
Naamuan a napagsaritaan a ti nasao a ganwat ket saan a maikkat dagiti health protocols kadagiti sumangbay a bisita iti probinsya kontra iti Covid19.
Ti tema ti agbalin a tourism bubble ket “Ridge to Reef” ken manam-nama a maital-o dagiti nagduduma a tourist spots iti Region 1 ken Baguio City.
Maipalagip a maysa a memorandum of understanding (MOU) ti nagpinnirmaan dagiti Region 1 provinces ken syudad iti Baguio para iti panangipakita iti suporta ken ti nasayaat a relasyon dagitoy a lugar babaen iti pannakaipromote iti tourism industry.
Napasamak ti MOU sigining idi September 1,2020 idiay Baguio Country Club kas paset iti maika 111th Baguio Day Celebration.
Ti BLUPISIN Tourism Corridor ket tarigagay iti ininot, a panaglukat iti napili a destinasyon ti Region 1 ken Baguio City kadagiti residente.
Kabilang kadagiti dimmar-ay da Baguio City Mayor Benjamin B. Magalong, Ilocos Sur 2nd District Rep. Kristine Singson Meehan, Ilocos Sur Gov. Ryan Luis Singson, Ilocos Norte Gov. Mathew Joseph Marcos Manotoc, Pangasinan Gov. Amado I. Espino III and La Union Gov. Francisco Emmanuel R. Ortega III, represented by Department of Tourism (DOT) Region I Regional Director Joseph Francisco Ortega signed the MOU ken kasta metten ni Mr. Adamor L. Dagang, Provincial Information Officer & Tourism Officer-Designate, ken Arthur S. Cortez Jr., Supervising Tourism Operations Officer of the La Union Provincial Tourism Office.
Naimatangan iti nadakamat a panagpinnirma babaen iti Department of Tourism (DOT) Secretary Bernadette Romulo-Puyat, Tourism Promotions Board (TPB) Chief Operating Officer Maria Antonette Allones, Intramuros Administrator Atty. Guiller Asido and DOT-CAR Officer-in-Charge Jovy Ganongan.
