LA UNION – Saan nga ilibak ti Region 1 Athletic Association (R1AA) a marigrigatanda a makagun-od kadagiti medalya iti agtultuloy a Palarong Pampanbansa 2018 idiay probinsya ti Ilocos Sur.
Iti pannakiuman ti Bombo Radyo kenni Department of Education (DepEd)-Regional Public Affairs Office-1 head Ceasar Bucsit, kinunana nga adu kadagiti sigud a medalist-da ti napaay a makaala manen ti medalya kangrunaan kadagiti regular games.
Ngem saan met nga agpaabak dagiti atleta nga special children a nakipaset iti special games gapu ta nakailista dagitoy ti dua a gold, dau a silver, ken maysa bronze medals.
Sigun kenni Bucsit, papapigsaenda iti pakinakem dagiti atleta gapu ta adu pay iti gundaway a makaalada ti medalya kadagiti nakalinya a paay-ayam.
