Agtultuloy ita a maika-34 nga aldaw iti impeachment trial iti panangtingiting kadagiti financial records ni Bise Presidente Sara Duterte ken ti asawa na a ni Atty. Mans Carpio kalpasan nga impresentar ti Anti-Money Laundering Council (AMLC) ti pakabuklan a summary ti bank accounts da.
Idauloan ni Defense Atty. Mark Vinluan ti cross-examination iti testigo.
Maipalagip a ginanadat ti depensa nga ipawil iti panagtestigo ni AMLC Executive Director Ronel Buenaventura gapo kadagiti bank secrecy laws, ngem saan a pinalubosan ni Presiding Officer Chiz Escudero iti mosyon kas maibasar iti Republic Act No. 1405 ken ti precedent iti impeachment trial ni sigud nga Chief Justice Renato Corona.
Pinalagan met ni Senator-Judge Imee Marcos iti panangiparang kadagiti foreign currency accounts ti agassawa, ngem imbasura metlaeng ni Escudero iti panagkontra tapno agtalinaed dagiti dokumento a kas ebidensya.
Segun kadagiti reports ni Buenaventura, dimmanon ti P4.4 bilyon ti pakabuklan a covered ken suspicious transactions a direkta a nakailista kadagiti bank accounts ti agassawa, malaksid pay iti P4.5 bilyon a simrek manipud kadagiti 15 a korporasyon nga addaan da iti business interest.
Karaman kadagitoyen ti P193,705,615.88 a naawat manipud iti joint account da Bise Presidente Sara Duterte ken ni sigud a Presidente Rodrigo Duterte idi Marso 28, 2014.
Pinasingekdan iti AMLC a nakaawat iti CALE88 Foods Corp., negosyo ni Carpio, iti P319,326,770.41 a pondo manipud iti mainland China ken Hong Kong.
Kabayatanna, nagpakdaar ni Atty. Vinluan nga adda iti pagsungbatan-kriminal iti pannakaibutaktak dagiti confidential AMLC records, ngem dagos met daitoy a kinontra da Senator-Judges Raffy Tulfo, Kiko Pangilinan, Tito Sotto, ken Risa Hontiveros.
Nagbara iti debate dagiti abogado idi inakusaran ni Atty. Mae Divinagracia iti depensa iti panangusar ti dilatory tactics kasaruno iti kiddaw ni Lead Defense Counsel Atty. Sheila Sison ti kanayunan nga oras tapno adalen dagiti napuskol a financial spreadsheets.
