Agtultuloy ti imbestigasion ti Senate Blue Ribbon Committee kadagiti maipagarup nga anomalous flood control projects inton Huebes inton sumaruno a lawas, Hunio 4.
Daytoy ti inwaragawag ni Senate President Alan Peter Cayetano iti Facebook Live-na.
Segun kenni Cayetano, mangbukel ti Blue Ribbon Committee (BRC) iti subcommittee a mangipamaysa iti flood control anomaly. Inton Lunes, mangipaulog ni Vice Chair Sen. Rodante Marcoleta kadagiti pakaammo para iti hearing.
Imbatad ti Senate President a patas ti imbestigasion ken panggepna nga iruar ti sibubukel a kinapudno.
Indagadag pay ni Cayetano a buyaen ti publiko dagiti hearing mainaig iti flood control scam tapno masigurado ti panagsungbat dagiti nairaman iti mapapati a korapsion.
Ni Sen. Pia Cayetano ti agdama a chair ti BRC, kalpasan a sinukatanna ni Sen. Ping Lacson iti lugarna, kenni Sen. Rodante Marcoleta ti bise chair ti komite.
Karaman pay kadagiti inbestigador ni Sen. Jinggoy Estrada, a sumangsango ita iti kaso a graft and plunder iti Sandiganbayan mainaig met kadagiti isyu mainaig iti flood control projects.
