LA UNION – Selos wenno imon ti makitkita a rason no apay a tinagbat ni mister ti bukodna nga asawa idiay ili ti Rosario, La Union.
Segun kenni Police C/Insp. Bermabe Oribello, hepe ti Rosario Police Station, ipagarup ti saanen a nainaganan a mister nga addaan ti sabali a karelasyon ti 38 anyos a misis.
Maipagarup a nakapasar ti depression ti mister kas kinuna dagiti karrubada.
Maipalagip, nariing laengen ti misis a nasugatanti pingping ti rupana bayat nga adda iti abay na ti mister a nang-iwa ti bukodna a tengged.
Nakaruwar itan ti ospital ti misis ngem saan pay a nakapagdesisyon nu mangidatag ti reklamo kontra iti asawana.
