Naipila itay bigat, Pebrero 2, 2026 iti impeachment complaint maibusor kenni Bise Presidente Sara Duterte iti Office of the Secretary General ti House of Representatives.
Ti reklamo ket inpila ti Makabayan bloc a mainaig iti maipagarup nga iregularidad iti pannakausar ti confidential funds ti opisinana.
Segun kenni Renato Reyes Jr. ti Makabayan, panggep ti addang a pagsungbaten dagiti opisial a manglablabsing iti panagtalek ti publiko.
Ti isyu ti confidential funds ket nabayagen a kontrobersial sipud idi 2023 idi naibutaktak ti P125 million a nayakar manipud Office of the President ken agturong iti OVP.
Idi 2025, maysa nga impeachment complaint kontra kenni Duterte iti naibasura gapu ti constitutional bar a mangiparparit iti nasursurok ngem ti maysa nga impeachment proceesing iti uneg ti maysa a tawen.
Ita a gundaway, kalpasan a nagpatingga ti one year bar, naipila manen iti reklamo a manamnama nga agbalin a sentro ti nakaro a diskusion iti Kongreso.
Iti pakabuklan, agtaltalinaed a karit iti administrasion iti saritaan ti confidential funds, kagiddan ti kari ti Makabayan bloc nga ilaban iti transparency ken panagsungbat iti gobierno.###
