BR LA UNION – Posible nga agdesisyon iti Senate impeachment court babaen ti simple majority vote nu ibasura wenno saan iti impeachment case kontra kenni Vice President Sara Duterte.
Iti presscon, imbaga ni Senate President ken Impeachment Court Presiding Officer Chiz Escudero nga anyaman a mosyon a maidatag ket rumbeng a pagdesisyunan babaen ti simple majority votes.
Innayon pay ni Escudero, posible a ma-dismiss iti impeachment case kontra kenni VP Sara maibasar laeng iti naisumite nga answer ad cautelam ti kampo ni Duterte.
Impaganetget na a saan a para kenkuana daytoy, tapno agkomento iti answer ad cautelam ti bise presidente.
Daytoy ke kalpasan nga inwaragawag ni VP a saan a rumbeng a piliten a sumungbat kadagiti alegasyon wenno kaso a nakapauneg iti verified impeachment complaint kalpasan a naisubli idiay Kamara.
Kabayatannna, idi masalodsod ni Escudero nu posible a maibasura iti kaso a saanen a dumalan iti pormal a panagusig — insungbat na daytoy, “lahat ay posible.”
Kinuna na a siasinuman a miyembro ti korte ket mabalin a mangidatag ti mosyon tapno ikeddeng a nagbasol ni Duterte, ken kas iti mosyon para iti panangibasura ti kaso, daytoy ket maipasidong iti binnotosan.
Immunan nga impaganetget ni Escudero a saan a napukawan ti jurisduction iti impeachment court nga uray naisubli idiay Kamara iti impeachment complaint kontra kenni Duterte.
Kinuna na a nalawag iti mosyon a saan pay a maipadpa-dismiss wenno ma-terminate dagiti reklamo kontra kenni VP Sara.
Imbaga ti Senate President a saanda a maka-iyisyu ti writ of summons kenni Duterte nu awanan da ti jurisdiction.
