Nangipaulog ti opisial a waragawag iti kampo ni Bise Presidente Sara Duterte maipapan iti pannakaipila manen dagiti impeachment complaint maibusor kenkuana.
Segun kenni Atty. Michael Poa, pannakangiwat ti defense team, saan a nakaskasdaaw iti nasao nga addang dagiti mangitantandudo iti reklamo.
Impaganetget ti kampo a nabiit pay a linawlawagan ti Korte Suprema nga iti impeachment ket saan a napolitikaan a proseso a nakabasar laeng kadagiti alegasion ken propaganda, no di ket maysa a mekanismo ti konstitusion a masapul a maitunos kadagiti pagalagadan, ebidensia, ken umno a proseso.
Impasigurado pay ni Poa a nakasaganada a mangsango kadagiti alegasion babaen ti umno a proseso ti konstitusion.
Agtalek met ti kampo nga iti patas ken awan ti pabpaboranna a panagdingngeg ket mapaneknekan ng awan ti basaran iti kinapudno ken iti linteg dagiti akusasion.
Iti pakabuklan, tinakderan ti defense team nga iti impeachment kontra kenni Duterte ket maysa a karit a situturedda a sangwen ken agtalekda iti hustisya.###
