Pinaregta ni Deputy Speaker Paolo Ortega V ni Bise Presidente Sara Duterte a personal a tumabuno iti impeachment trial inton bigat, Hulio 6 tapno masungbatan dagiti alegasion kontra kenkuana.
Segun kenni Ortega, nupay agdudua isuna a tumabuno ti bise presidente gapu kadagiti immun-una a kaawanna kadagiti hearing ti Kongreso, daytoy ti umno a gundaway a mangilawlawag iti dasig na.
Kenunana a nabayagen nga ur-urayen ti publiko dagiti sungbat mainaig kadagiti isyu a maibarbarsak kontra kenni Duterte.
Inpaganetget pay ni Ortega a nakasaganan ti House prosecution panel a mangidatag kadagiti ebidensia ken saksida iti panangrugi ti panagusig.
Sumangsango ni Duterte iti uppat nga articles of impeachment mainaig iti mapapati a saan nga umiso a pannakausar ti P612.5 million confidential funds, saan a mailawlawag a kinabaknang, panangpasuksok, ken nakaro a pangta kontra kada Presidente Ferdinand Marcos Jr., First Lady Liza Araneta-Marcos, ken sigud a House Speaker Martin Romualdez.###
