BR LA UNION – Mabalin a marugyan iti impeachment trial ni Vice President Sara Duterte kalpasan ti maikapat nga State of The Nation Address (SONA) ni Paresident Ferdinand Marcos Jr. inton Hulyo agdama a tawen.
Segun kenni Senate President Francis “Chiz” Escudero, agsipudta saanen a maikamat ita a 19th Congress isunga rugyan da inton 20th Congress.
Innayon na nga adu pay ti rumbeng nga aramiden dagiti senador sakbay da a makapag-rugi ken ag-convene iti impeachment court.
Kinuna na a saan nga umanay ti 20 nga aldaw nu mangisayangkat da ti emergency session gaputi nagduduma a rason a mabalin a sangwen dagitoy.
Kinumpirma ni Escudero a lehitimo iti 251 a pirma dagiti mammanday linteg a naawat ti opisina da a nairagpin iti impeachment complaints manipud House of Representatives.
Maipalagip nga idi Pebrero 5, nakagun-od ti 215 a pirma manipud kadagiti mammanday linteg idiay kamara iti maikapat nga impeachment complaints kontra kenni VP Duterte.
Ngem nag-adjourned ti Senado a saan dan a nasungbatan iti impeachment ngem asikaswen da daytoy iti panagsubli da idiay Kongreso inton Hunyo 2.
