BR LA UNION – Awan ti panagkedked dagiti senador ken kongresista iti gakat a timeline ni Senate President Chiz Escudero para iti impeachment trial kontra kenni Vice President Sara Duterte.
Segun kenni Escudero, kalpasan ti impatulod da a surat para iti singasing nga schedule iti impeachment trial ni Duterte, ket awan ti nangipeksa ti negatibo wenno nag-object iti proposed timeline.
Imbaga ni Escudero a nagsurat metten ti Kamara kenkuana ken indanon ti Nababa a Pagpandayan Linteg idiay Kongreso a naawat dan ti singasing ti Senate President ken awan ti panagkedked wenno reservation ditoy dagiti kongresista.
Malaksid dayta, adda dagiti senador a nangipeksa ti suporta nupay informal daytoy.
Iti timeline ni Escudero, agsubli iti sesyon dagiti mammanday linteg inton Hunyo 2 tapno aprubaran iti schedule; Hunyo 3 nga ag-convene iti Senado kas impeachment court a senyal ti panagrugi ti proseso.
Inton Hulyo 30 iti aktuwal nga impeachment trial kontra kenni VP Sara, nga isu met ti panagrugi ti first regular session ti 20th Congress.
