Posible a dumanon agingga iti katengngaan ti Pebrero 2027 iti impeachment trial ni Bise Presidente Sara Duterte iti agdama a taray dagiti panagdingngeg.
Segun kenni impeachment court spokesman Reginald Tongol, mabalin a mapapartak iti panagusig no agtunos iti House prosecution ken defense iti panagkissay wenno panangurnos ti presentasion dagiti testigo ken ebidensia. Kenunana, saan a mabalin nga unilateral a papartaken ti impeachment court iti proceedings gapu ta nakadepende daytoy kadagiti addang ti dua a dasig, kangrunaan kadagiti witness ken ebidensia da.
Adda ti 27 a testigo iti House prosecution iti pretrial submissions, karaman ni Col. Raymund Dante Lachica, ngem awan pay ti makidkiddaw a subpeona para kenkuana.
Kabayatanna, inakusaran ni Palace Press Officer Undersecretary Claire Castro iti defense team ni Duterte a mangpabpabuntog iti trial, karaman iti panagkedked kadagiti sumagmamano nga stipulations ken panagusar ti full-length video recordings.
Nupay kasta, kenuna ni defense counsel Michael Wesley Poa a sumurot iti dasig da iti aniaman nga iskedyul nga ituding ti Senate impeachment court.###
