BR LA UNION – Kinumpirma ni Labor Acting Secretary Francis Tolentino a temporaryo a saan pay laeng a maipatungpal iti P85 minimum wage hike idiay Metro Manila kasaruno iti bilin ti korte.
Daytoy ket kalpasan a nangirwar ti Pasig Regional Trial Court (RTC) ti maysa nga status quo ante order idi Hulyo 24, maysa nga aldaw sakbay ti nakatuding nga implementasyon.
Imbilin ni Executive Judge Achilles Bunauitan a pagtalinaeden pay laeng ti sigud a wage rate sakbay ti naaprubaran nga umento.
Segun kenni Secretary Tolentino, naliday man iti desisyon ngem irespeto da ken sumurot ti ahensiya iti bilin ti korte.
Ti umuna a tranche ti wage hike (P60) ket orihinal a naituding idi Hulyo 25, 2026.
