Kasaruno ti panagrugrugi ti rehabilitation ti San Juanico Bridge sadiay Eastern Visayas, ininspeksyon ti Department of Transportation (DOTr), Philippine Ports Authority (PPA) ken Department of Public Works and Highways (DPWH) ti siwasyon ti transportasyon iti lugar.
Impasiguro dagiti ahensya nga uray agdama a mapirpirmis ti kangrunaan a rangtay a mangkonkonektar ti Samar ken Leyte, saan met a maapektaran ti biahe dagiti tao, kalakal, taraon, ken krudo.
Maipalagip a kinuna ni Department of Public Works and Highways Secretary (DPWH) Manuel Bonoan a mangaramid da ti alternatibo a ruta iti lugar tapno uray mapirpirmis iti rangtay ken adda iti agdama a load limit na ket agtultuloy latta ti biahe dagitoy.
Maysa kadagiti plano a maipasdek ket ti Roll-on/Roll-off (RoRo) facilities sadiay Carigara, Leyte a makatulong ti transportasyon kabayatan ti rehabilitasyon.
Mainaig itit daitoy ket binisita pay da Department of Transportation (DOTr) Secretary Vince Dizon, Philippine Ports Authority (PPA) General Manager Jay Santiago, Department of Public Works and Highways (DPWH) Undersecretary Robert Bernardo, ken dadduma pay nga opisyales ti gobierno ti Amandayehan Port sadiay Basey, Samar tapno imbestigaran ti posible nga alternatibo a ruta nga maipatungpal.
Karaman pay ti Tacloban Port nga inimbesetigaran da. Nakapamaysa met ti inspeksyon ti panagadal kadagiti kapasidad ti sangladan ken kadagiti kabangibang nga imprastruktura, kasta met iti panangdakamat kadagiti agserbi kas alternatibo a ruta sadiay Tacloban Port para kadagiti kargamento ken nadadagsen a lugan nga apektado ti restriksyon iti rangtay.
Panggep daitoy nga inisyatiba a masiguro nga agtultuloy ti taray ti ekonomiya ken mobilidad ti nagbaetan dagiti probinsya ti Samar ken Leyte.
