Nasakit nga aklonen ti maysa nga ina nga isuna ti mangidulin iti anak daytoy.
Daytoy ket mainaeg iti pannakatay ti biktima a ni Joemar Baranda y Lodia, 13-anyos, residente ti Barangay Turod, Sudipen, La Union.
Iti pannakiuman ti Bombo Radyo La Union kenni Joan Morla, ina ti pimmusay a biktima naamuan iti napasamak iti anak idi naidanon daytoy kenkuana.
Iyul-ulogdan ti biktima kuna na idi a makadanon daytoy iti lugar a nakakuryentsyan ti ubing.
Nakaro a naadangran iti bukod ti biktima. Nasugatan iti saka ken nabittak ti ramay daytoy nga rimmuaran ti kuryente ti bagi na.
Adda pay met anges na kuna na ti anak na idi naidanon iti ospital ngem pimmusay daytoy kabayatan a matamtaming.
Naamuan nga nabasa ti ubing ken napan immuli tapno agala ti bunga ti mangga idi a nakuryente isuna.
