LA UNION – Agtultuloy a nabiag iti tradision a panagabel idiay Bangar, La Union.
Ti Inabel ket maysa a klase ti tela a maar-aramid babaen ti tradisyunal a kayo a maaw-awagan a tillar.
Ti panagaramid ti Inabel ket kasapulan ti atiddog a pasensya ken kinalaing gapu ta saka ken ima iti ag-gargaraw.
Segun kenni Rodrigo M. Sarmiento Jr. PESO Manager ti Bangar, La Union, malaksid kadagiti kadawyan a maar-aramid nga ules ken twalya ket karamanen a maparpartuat dagiti trending a bado kas iti denim jacket nga addaan ti disenyo na nga inabel.
Innayon na pay a rumbeng nga agtultuloy daytoy iti pagilian, isu nga isursurodan dagiti ubbing no kasano ti agabel.
Para kadagiti kayatna ti gumatang ken suportaran iti Inabel Weaving, masarakan daytoy idiay Brgy. San Flaviano, Bangar, La Union.
