Awan ti malisya iti panangibaga dagiti dua a mall goers kenni sigud a Comelec Commissioner Rowena Guanzon nga akkuban iti ngiwat wenno agawid laengen no aguy-uyek isuna, segun kenni Atty. Ephraim Cortez, Presidente ti National Union of Peoples’ Lawyers (NUPL).
Kenuna ni Cortez a masapul a mapaneknekan iti malisya no akusaran ni Guanzon dagiti mall goers ti unjust vexation ken grave oral defamation.
Adda met ti karbengan iti publiko a mangipeksa ti panagdanag, kangrunaan iti konteksto ti post-COVID-19 society no adda ti tao nga aguy-uyek iti sanguananda.
Maipalagip nga iti Facebook video ti abogado, inwaragawag na nga imbabain isuna dagiti dua a mall goers, ken tinubngar dagiti tao a nangala iti viral video – a segun kenkuana ket panaglabsing iti karbengan na iti privacy,
Iti sabali a bangir, kenuna ni Atty. Cortez nga iti grave oral defamation ket biddut a panangakusar ti krimen wenno panagkammali nga addaan panggep a mangdadael, bayat nga iti unjust vexation ket panagsao a mabalin a mangigubuay ti suron iti maysa nga inosente a tao.#
