BR LA UNION – Inyanunsyo ni President-elect Donald Trump a ti inagurasyon na ket maisayangkat iti uneg ti U.S. Capitol Washington, DC imbes nga iti ruar nga isuti tradisyunal a masursurot, gapwanan ti namnamaen a nakaru a kina-lammin ti temperatura inton Lunes, oras idiay Amerika.
Daytoy ket umuna a mapasamak kalpasan ti 40 a tawen.
Idi 1985 pinadas ni Former President Ronald Reagan nga iyakar iti uneg ti inauguration gaputi nakaru a kinalammiis ti panawen.
Iti latest prediction ti National Weather Service, iti temperatura inton Lunes idiay Washington ket posible a dumanon iti 22 degrees Fahrenheit (minus-6 Celsius) Eastern time, iti aldaw a panagsapata ni Trump kas presidente ti US.
Maibilang dayta a coldest wenno kababaan a temperatura sipud idi second inauguration ni Reagan a 7 degrees wenno minus-14 Celsius.
Inlawlawag ni Trump a saanna a kayat a maikabil iti peligro ti salun-at dagiti agbuya gaputi nakaru a kinalammin a mangbalbalkot ti nasao a pagilian.
Namnamaen a lalo pay a lumam-miis iti temperatura idiay US gaputi mapas-pasaran a wind chill, a lalo pay a mangibaba iti temperatura ket posible nga umabot iti freezing point a -10 agingga -20 degrees Fahrenheit.
Kabayatanna, naiyakar iti parada ni Trump iti Capital One Arena, maysa nga sports stadium iti downtown Washington.
